ملا.. قالك منتقبة

و الله شي يعجب، الحرية تاقف قبل المنتقبات؟؟؟

نهار الكل أو احنا نسمعوا "كان تنتقب، تشد دار"!! شكونك إنت باش تقرر هي تشد دار ولا لا؟؟ شكونك إنت بش تقلها نمنعك م دراسة خاطر اختارت تنتقب؟؟

ياخي موش قلتو بعد ما خسرتو في الإنتخابات " لازم إحترام رأي الأقلية"؛ "ما يلزمش الأكثرية تفرض وجهة نظرها على الأقلية"...؟؟؟؟

الكلام هذا ما ينطبقش على المنتقبات؟؟ ولا حلال عليكم حرام علينا؟

علاش لدرجة هذي ما تحبوش تأمنو إنو عندها إختيار بش تختار طريقة لباسها ؟؟ ما تقليش لا فرض لا سنة؛ إلي يهمني اني هي اختارت دنك لزم نحترم رأيها و لازم تعيش ك أي مواطن حر.

نحكي مع واحد زميلي في العمل :

قتلوا "بربي كان أختك تنتقب، تحب يبطلها مل قراية"؟؟

قلي "ساعة هي فاش قام تنتقب، لازم نقلها لا"؟؟؟؟

قتلوا "ياخي هي موش حرة، موش عندها الحق تختار، زادة راو أختك لحمك أو دمك"

قلي "ياخي كي تبدى غالطة نقلها لا..."

قتلوا "صار دونك موش حرة بش تختار ؟؟ يا خويا إحسب حكيت معاها أو قتلك لا؛ تقلها بطل لقراية؟؟؟"

قال "هو واحد زادة مو يكون لوجيك تحب تنتقب أو ميسالش الإختلاط؟؟ مو زادة شوية لوجيك !!!"

قتلوا "سبحان الله، توا إنت وليت خايف عليها من ذنوب الإختلاط؟؟؟ دونك تقوللها شد دار ؟؟"

قلي " هي فما أمور أمنية : لازم زادة يتعرف عليها بروف "

قتلوا " شنوا المانع بش مرا تتكشف عليها و تشوف بطاقة تعريفأو وفات لحكاية "

قلي "تو نعملوا خاتم على قد سبعها"

قتلوا "مو نفس نساء ألي كانت تحط فيها في بيبان الفاك بش يطردوهم، حطهم بش يثبتوا فيهم؛ و بخلف هاذاكا فما سيستام إمبرينت ديجيتال كما عندنا في خدمة (نخدم في خدمة بوانتاج بصبع!!).."

قلي "ممكن، أما شكون قلي ما تفسكيش"

(شوف تفاهة متع مطلبو)

قتلوا : "إنت، ما فسكيتش كي كنت تقرا ؟؟ شكون راك، ولا زعمة كان هي كي تفسكتي ما يراهاش ؟؟ زادة وين بش تحطها الفوسكا ؟"

قلي "لدخل أو تحلها أو هاد ما يراها"

(يستخايب يدها زادة لداخل ، الله غالب ما يعرفش إيكزاكطمون شنو لباس المنتقبات)

قتلوا "خويا زايد، 55 سنة ما يتنحوش في درج، ربي يفتحها في وجهك بش ترى الحق".


نكتب بش نفرغ قلبي أما راني متأكد إنو ربي بش ينصر اخواتي المنقبات

.