تونس ليـــــــــــــــــك تونس لي... تونس عربية إسلامية

Voici deux poèmes que j'ai trouvé en commentaire sur des sites Tunisiens à un certain RAYAN, la qualité valait bien qu'elle soient diffusées.
L'acharnement ces derniers temps sur les musulmans en Tunisie, la volonté que mettent certaines personnes à dénigrer les muslmans à travers les médias, le souhait de déraciner la Tunisie de ses origines arabo musulmanes méritent d'être soulignés!!!

تونس لائكية...ونخوف الناس بالخوانجية
برعاية الملاحدة و التجمعية...وببركة الولايات المتحدة الامريكية
وماما فرنسا وصية عليا...أكيد لازم من خوفها عليا
ونزيدوا ندعموا هالحرية... حلينا المواقع الاباحية
قلو اسلام قلو سنة نبوية...راهو للشراب ...فوائد صحية
ونحبوا ندعموا العلاقات الخارجية...ومعا لاحداث سفارة صهيونية
ومتمسك راني بالهوية... كلمة بالعربي و عشرة بالفرنسية
كيف يقولولي قال الله قال الرسول...نقوللهم لا يبطى شوية
يا خي تعرفوا خير من أمريكا؟...شكون صنع القنبلة الذرية
والمرأة عندنا راهي حرة...واللي ما تتعراش أكيد رجعية
آما حاجة وحدة ما لقيتلهاش الحل...مهما نعيش القبر يستنى فيا
من الناحية هذي زعمة مطمان... س كسور العلمانيين ما يخلوهاش بيا
وكيف ناقف قدام ربي...زعمة اللي تبعتهم يسدوا عليا؟

******************************************************

أهلا بيك يا غالي نورت السهرية ،،، وعجبني كلامك إلي ضوالنا العشوية
وآشنوة تحبني نقولك في هالنوعية ،،، غير ناس فاضين ماعنهمش قضية
مرّة يسموهم لاييك ومرّة علمانجية ،،، ومشهورين بأنهم جماعة إقصائية
خدمتهم تهميش الدين ولغتهم خشبية ،،، وهوايتهم الخبث وثقافتهم فرنسية
إيحبّوا يجعلوا ديانتنا ديانة منسية ،،، لا تهشن ولا تنشن ولا تردنا للثنية
يقولوا على حاضرتنا أنها رجعية ،،، وحابّين يبدلوها لنا بالقذارة الغربية
باش تولي بلادنا ممسوخة الهوية ،،، ونصبحوا عبيد للدول الإستعمارية
وكان جُو يفكروا بمخاخهم شوية ،،، لاعرفوا أنهم يدعون شعبهم للتبعية
وإذا ناقشتهم بخصوص هالعقلية ،،، وتقول لهم إنها غالطة وخزعبلاتية
يردوك إرهابي و تكفر بالحرية ،،، و موش بعيد يلفقولك تهمة و قضية
لأن الكذب عندهم وسيلة شرعية ،،، و الإفتراء بالنسبة لهم حاجة عادية
ولذلك وصفهم شعبنا بالسطحية ،،، وقال لهم ديغاج من الدولة التونسية
فنحن شعب مسلم لانحب الدَنِيَة ،،، و ديننا ما هوش لعبة بين أياد شقية
وسنبقى نتصدى للأفكار الغبية ،،، لكي نحمي تونسنا من نكسة أخلاقية
لأننا نحبها أن تبقى حرّة أبية ،،، والسلام عليكم ولكم مني أحلى تحية

*******************